Kwt City

14 comments

1. lawyer  
   April 9, 2009 at 11:18 AM

   صااااااااااااجه

2. ساره النومس  
   April 9, 2009 at 8:49 PM

   شفيهم هذول ؟؟؟ تدرين بكتب بوست من بعد اذنجاعقب على الموضوع اوكي بس باجر علشان موضوعي اليديد ياخذ حقه واتمى تردين عليه بعد .. صج بطت جبد ...

3. BrHoOoM  
   April 10, 2009 at 7:07 PM

   ااممممم
   
   سؤالي هل ان اللي وقفوا مع حمااس مايحبون الكويت ؟!

4. enter-q8  
   April 10, 2009 at 10:41 PM

   مسلم مواقفه برغم سلبياته ايجابية اكبر
   لكن انا بسالك
   وين اسيل العوضي هذا السؤال اللي مفروض ينقال
   بعد سقوطها الاخير متى طلت علينا الا باليوتيوب يعني براك اوباما
   صعدتوها السما على الفاضي
   والله مقارنة مع رولا دشتي كناشطه اقتصادية و سياسية و اجتماعية
   تطقها ثلاثمية صفر

5. بريتني سبيرز  
   April 11, 2009 at 11:26 PM

   http://antihack-protect.blogspot.com/

6. @alhaidar  
   April 12, 2009 at 1:03 AM

   تعبنا واحنا نتأمل .. نبي أحلامنا تكمل

7. إمـرأة لا تُنسـى  
   April 12, 2009 at 8:21 AM

   lawer
   حياج الله

8. إمـرأة لا تُنسـى  
   April 12, 2009 at 8:23 AM

   طموحة مملوحة
   
   مادري اشفيهم والله
   لي زيارة لمدونتك اليوم

9. إمـرأة لا تُنسـى  
   April 12, 2009 at 8:24 AM

   برهـوم
   
   وسؤالي هل تعرف حقيقة حماس؟

10. إمـرأة لا تُنسـى  
    April 12, 2009 at 9:04 AM

    اخوي الفاضل خالد العتيبي
    أولا اتشرف بوجودك في مدونتي للمرة الأولى لطالما كنت من المتابعات لكتاباتك خصوصا البوست الأخير لا كليت بصل إشبع بصل.. أما عن تعليقك بخصوص موضوع المسلم.
    
    مسلم البراك لا يستأسد على أصحابه حتى وأن كانوا خاطئين أبداً فإن حبتك عيني ما ضامك الدهر، ولسوء حظ د. اسيل العوضي لم تكن من اللي حبتهم عينه لذلك استأسد بصراخه واستهزئ فيها.
    
    بخصوص سؤالك عن غيبة الدكتورة أسيل
    هي عندنا مدونة تقدر تدخل باليوزر نيم مالك وتحط لها استفساراتك
    وعندها ايميل شخصي تراسلها فيه
    http://aseelalawadhi.blogspot.com/
    
    اما عن سقوطها الأخير، بالعكس أشوفه قفزة ناجحة لأول تجربة سياسية تطلع فيها المركز الـ 11 بعد النائب السابق ناصر الصانع :)
    اثنيناتهم (أسيل + رولا) والنعم فيهم
    ما قلنا شي.. وحدة تخصصها فلسفة سياسية والثانية اقتصاد
    وارقام الانتخابات اللي فاتت تقول شي
    11- اسيل العوضي 5173
    15- رولا دشتي 4464
    على قولتك طاقتها 709 صفر
    
    لما المسلم يتفلسف والله فلانة مو عايشة في الكويت، انزين رولا دشتي عايشة في الكويت بس امها لبنانية وابوها كويتي ولما تتحجى ترطن لبناني/ كويتي، وكل حجيها الكويتيين الكويتيين ما تقول احنا واحنا.. نفس لما نتكلم عن المصريين نقول المصاروة والمصاروة
    
    أوباما شنو أصله؟ لوما الحزب ماله جان ما دخل البيت الأبيض ولوما أوبرا وينفري اللي تصنف من أكثر الأشخاص تأثيرا على الرأي العام وقفت معاه وادعمته في برنامجها وفي واحد من لقاءاته مع جمهوره جان ما اقتنعوا البيض فيه
    
    أما عن النشاطات السياسية والاجتماعية والاقتصادية، أظن ان د. أسيل لها نشاطات سياسية واجتماعية بس نست تسوي لها بهرجة اعلامية تشبه بهرجة القائمة المستقلة في جامعة الكويت سنة 1998 اللي خلاها تاخذ معتقل الوسط في كلية التجارة من الوسطيين. أحد يذكر سالفتهم؟
    
    عموماً، اتوقع ان هي بحاجة لـ بهرجة اعلامية وترزز أكثر من أول
    - إن كان الجمهور عاوز كده

11. إمـرأة لا تُنسـى  
    April 12, 2009 at 9:05 AM

    اخوي احمد الحيدر
    والله صاج

12. إمـرأة لا تُنسـى  
    April 12, 2009 at 9:07 AM

    OH.. نسيت أحط لكم سيرتها الذاتية
    اذكرت فيها نشاطاتها على المستويين الكويتي والعالمي
    
    
    http://www.blogger.com/profile/16537393167966906879

13. enter-q8  
    April 12, 2009 at 5:44 PM

    اختي الفاضله اتمنى انك كنتي متباعة الندوة كامله
    اضيفي الى ذلك
    اني لما قلت وين اسيل العوضي و قلت وين ما قلت منو عكس مالغير يردد
    النشاط الاجتماعي و السياسي للناشطين بهالمجال معروف و ما يحتاج
    لما قلت وين
    قلت الغياب عن الساحه الكويتية
    ما يحتاج ادخل الى مدونتها اهي ماهي مدون اتابع له اهي شخصية عامه تطمح الى تمثيل الامة
    لما تكون غايبة عن الامه و ما تظهر الا بالحل اهني اقول وين اسيل ابشرك ما يحتاج بهرجه اعلامية لأن كافي جريدة الجريده اللي تتوزع ببلاش وسيله اعلامية للبهرجه اذا اردناها بهذا المسمىو للأسف اغلب نشاطاتها و اتكلم عن السياسية
    كافي ياختي لما اقولك وين رايها عن قضايا البلد التي تثار ولو حتى بمقالات و غيابها عن الندوات غيابها عن جمعيات النفع العام اللي انا اشوفها اقوى من مجلس الامه و دورها يجب ان يفعل و للأسف مافي الا ثلاث جمعيات نفع عام على مستوى الكويت اللي اهي معروفه مع العلم عندنا اكثر من خمسين جمعية نفع عام هل ما اقدر اني اكون عضو فعال بالمجتمع و خصوصا اني ارغب بتمثيل الامه
    ببداية ردي ذكرت ياليت حضرتي الندوة كامله لن الاخت اسيل تكلمت عن لغة الحوار و الصوت العالي
    لو تلاحظين كلمة مسلم البراك قال كأني اسمتع الى ممثل الحكومة
    لأن فعلا البراك ما غلط
    حكومتنا اغلب اسباب تقديم استقالاتها شنهي لغة الحوار و عدم التعاون
    خو مابي اذكر شنو مساوئ حكومتنا لأن لو بتروحين الشاعر و تسالين راعي البرد اللي يم الاشارة بيقولك
    الاخت اسيل لما انتقدت و قلت عنها اوباما كان القصد عن حركة اليوتيوب يعني حتى بالتواصل محتاجين نتواصل بطرق مستورده
    بعد ما سالت اين اسيل العوضي
    حق لي الان السؤال من هي اسيل العوضي
    
    
    * ملاحظة رقم رولا دشتي و رقم اسيل ليس مقياس للكفاءه
    حتى الان و عن قناعة تامه اقول رولا اكفئ ولكن ما راح اعطيها صوتي لني اشوفها خارج المجلس اقوى من داخل و اقولها يا دكتورة رولا كافي ان المجلس باي امر ياخذ بشورك و يطلبك

14. إمـرأة لا تُنسـى  
    April 14, 2009 at 10:28 PM

    انا احترم رايك يا خالد :)

Post a Comment