..أول مرة في حياتي
قال: أنا عازمج على فيلم في السينما
قلت: الله وناسة! أي فيلم؟
قال: مادري، على ذوقج
.
.
ولأن بداخلي انتقام له بسبب مزاجيته الاسبوع اللي فات
اخترت فيلم رعب.. لأنه يحب الأفلام المصرية والكوميدية
فـ قلت له: عيل بفاجئك.. وابتسمت ابتسامة حدها بريئة
قال: خوش شي.. خليه الليلة
اهني حدي استانست لأنه ناسي ان الاربعا مباراة برشلونه وريال مدريد
وخليته ناسي :) كافي طول الاسبوعين اللي فاتوا كله مع ربعه وقهاوي
اخترت فيلم
The Uninvited
قال: أنا عازمج على فيلم في السينما
قلت: الله وناسة! أي فيلم؟
قال: مادري، على ذوقج
.
.
ولأن بداخلي انتقام له بسبب مزاجيته الاسبوع اللي فات
اخترت فيلم رعب.. لأنه يحب الأفلام المصرية والكوميدية
فـ قلت له: عيل بفاجئك.. وابتسمت ابتسامة حدها بريئة
قال: خوش شي.. خليه الليلة
اهني حدي استانست لأنه ناسي ان الاربعا مباراة برشلونه وريال مدريد
وخليته ناسي :) كافي طول الاسبوعين اللي فاتوا كله مع ربعه وقهاوي
اخترت فيلم
The Uninvited
كـ العادة، بحثت عن قصة الفيلم وتقييم المشاهدين عشان ما اتحسف
وعرفت انه فيلم مقتبس من فيلم ياباني - كعادة هوليوود!ـ
اسم
وعرفت انه فيلم مقتبس من فيلم ياباني - كعادة هوليوود!ـ
اسم
A Tale of Two Sisters
قصته مشوّقة جداً .. مؤثرةً
عادةً قلبي قوي
وأعترف ان في هالفيلم
لزقت بالكرسي 3 مرات
تشنجت هههههه
اللي ما شافه.. يروح يشوفه
الفيلم مقـطـّع تقطـّع في السينما
تقطيع واضح.. يمكن ضيّع بعض التفاصيل معاه
عادةً قلبي قوي
وأعترف ان في هالفيلم
لزقت بالكرسي 3 مرات
تشنجت هههههه
اللي ما شافه.. يروح يشوفه
الفيلم مقـطـّع تقطـّع في السينما
تقطيع واضح.. يمكن ضيّع بعض التفاصيل معاه
April 30, 2009 at 11:31 AM
شفت مقاطع من الفلم حده روعة :)
بس محد عندنا يحب الرعب الا انا لزقوني وياكم لوووول
April 30, 2009 at 1:15 PM
شوقتيني
رايج أييبه دي في دي أحسن عشان التقطع؟
و لا حلاته بالسينما؟
April 30, 2009 at 4:06 PM
ليلحين موجود الفلم ؟
May 1, 2009 at 12:44 AM
مادري ليش هالتقطع بالافلام ..
اذا الفيلم في وايد اشياء تخدش بالحياء اساسا لاتحطونه بلكويت
May 1, 2009 at 6:43 PM
عليكم بالعافية ..
بس حده حقد شكله لما استوعب انه يوم المباراة :))
May 2, 2009 at 9:12 AM
الريال من صجة يبي يراضيج
لأن الرياييل ينسون كل شي إلا المباراة
:)
المهم تكونين إستانستي بالطلعة والفيلم
:)
May 2, 2009 at 4:46 PM
بسم الله الرحمن الرحيم !
آنه وحده لما أشوف هالأفلام بسرعة أتأثر فيهم
أتم جم يوم أفكر فيهم ؟
بس هم بروح
باس قوي ماكو فايده
May 3, 2009 at 7:58 AM
العزيزة طموحة
ما طلبتي شي، تأكدي اني بدز لج إيميل أعزمج فيه على فيلم رعب
:)
May 3, 2009 at 8:04 AM
الغالية بلوجريستا
في الحقيقة سينما الكويت تقطع الفيلم لسببين واحد مقنع والثاني لا
الأول عشان المقاطع اللي تخدش الحياء
الثاني عشان الفيلم طويل
تذكرين فيلم سويني تود؟
فيلم الحلاّق اللي اخذوا زوجته واضطهدوه وابعدوه عن الديرة، الفيلم كان قصة عجيبة خليط من التمثيل الغنائي والرعب
كان دموي درجة أولى.. شركة السينما قطعوا المناظر الدموية لما سويني يذبح ضحاياه على كرسي الحلاقة وينحذفون في سرداب المطعم اللي كانت صاحبته تاخذ الجثث وتحرقهم عشان تسوي فيهم ستيك وكفته للزباين!
اللي يحبون الرعب الدموي.. خل يشوفون سويني تود، احلى من فيلم سووو وآكلي لحوم البشر
مممـ مادري شاللي قطعوه من الفيلم، الأكيد ان السينما أحسن عشان التأثيرات الصوتية لزوم الخرعة
:))))
May 3, 2009 at 8:05 AM
حنطفيس
ليما الحين موجود
May 3, 2009 at 8:06 AM
فاتو..
العوض ولا القطيعة :)
May 3, 2009 at 8:07 AM
اخوي احمد
الله يعافيك، يجوز
:)
May 3, 2009 at 8:12 AM
نيكون8
أحسن! من قال له ياخذ له 7 أيام قعدة في القهوة مع ربعه
:)
May 3, 2009 at 8:18 AM
مدرسة الكويت
أقول لج شي، عادة انا ما اخترع بعد الفيلم، بعدها بـ ليلة كان رايح حق ربعه ويومها كنت حدي مشغولة وجدول مزحوم بالروحة والردة. رديت البيت على الساعة 10 ونص ونومت ولدي وانا وياه ما انتظرت احد. فجأة.. بالليل على الساعة 1 مادري شاللي خلاني افتح عيوني وكانت الغرفة ظلمة والليت بعيد من الغرفة الثانية، اشوف جدامي ظل أسود حق شخص ساكت ما استوعبت انه زوجي !!!
المهم اني فزّيت من مكاني كأني شايفة ينّي! وبعد يقول لي اشفيج! اقول له ليش واقف جذي؟
!!
مع ان عادي بين وفترة وفترة اشوفه واقف هالوقفة بالظلمة إيي يطل
فـ كانت الخرعة مالت الفيلم فيني
May 5, 2009 at 4:11 PM
هههههههههه
حلوة الحركة
فلم رعب ها
انا ما اقدر اسويها
لاني راح اعاقب نفسي بهالطريقة
بس راح اجرب هالطريقة مع شوية موديفيكيشن
:)
الله لا يحرمكم من بعض
May 7, 2009 at 8:15 AM
منال..
يبيلها قلب ههههه