كتب زميلنا المدوّن // مركبنا // تعليقه في موضوع (مالنا طاري) وأثار بي الشجون، والكآبة.. والإحباط حين ذكر مثل كويتي قديم يقول "لو الخالة حبت الجنة جان إبليس دش الجنة" فعلاً لم تقال عبطاً
كنت أتوقع ان هالمثل "دقة قديمة" لأن الزمن تغيّر وتطوّر وتوسعت مدارك الناس و تثقفت، إلا اني غلطانة.. وأحلامي كانت وردية قبل الزواج، وبعده تقولبت الألوان ودشّت ببعضها وتخربطت الحسبة
ربي سبحانه وتعالى عطاني على قد نيتي ورزقني بزوج صالح فيه كل اللي تمنيته.. بإستثناء عادة التدخين ولأنه يحترم رأيي في هالموضوع ليما الحين ما شفته يدخن جدامي من تزوجنا كله بره.. يعني عريس لؤطة على قولة المصاروة
// لا تحسدوني عليه لأنه عصبي جدا ويبي له سياسة وتكتيكات ومساير.. أكرر لا تحسدوني
:)
المهم، أمه.. كنت اسوي لها يا دهينة لا تنكتين، أمدحها.. أدللها بالهدايا..
جدام الناس أوصف فيها أحلى الوصوف وأخليها ملاك تمشي على الأرض
أتشرق فيها.. وأساعدها في الضيافة رغم ان حماتي تحط ريل على ريل وماتسوي شي ينفع
العشرة خلتني أكتشف ان خالتي تموت على المجاملات.. عادي تمدح فلانة ومن وراها فعلتها وتركتها، خلتني ما اتطمن لها، استمريت على عهدي.. قامت تضايقني بتعليقاتها وتصرفاتها وتحطني في مواقف محرجة مع أهلهم. سكت وقلت يالله أطوفها.. باجر بتحس في قدري لما تجرب جنة ثانية تاكلها بلسانها
زادت الجيلة اشوي.. وماقصرت معاي في المواقف
قامت تنرفزني.. بس جدامها اخذ الموضوع عادي وكأنه النقزات مو لي
والله لو اقول لكم المواقف بتقولون هذي صاحية؟؟
فسرت تصرفاتها،، غيرة.. مرت ولدها البكر فلازم تعطيني كورس وتختبر وتجرّب
كنت اتجاهل كلامها.. لكني غيرت طريقتي وقمت أرد عليها بلطف ودبلوماسية بحيث اني ما اجرحها بكلامي، بس يعني ابين لها اني فاهمتها والشي اللي في بالها مو صحيح
جدام زوجي تمدحني، وهو يقول يا كثرما تمدحج
طبعا ما اصدقهم اهما الاثنين.. لأني اسمع كلام يعجبني بس اشوف تصرفاتها اتعجب
أنا اقدر افتعل مواقف تطلع لها نجوم الليل حزة الظهر
لأني اعرف من هي خالتي واشلون اقدر ارفع ضغطها وأوقف قلبها
لكني أرفض اني أتعامل معاها بهالطريقة لعدة أسباب.. أولها ابي حياتي مستقرة وماأحب المشاكل وما له داعي أخلق مشكلة بيني وبين زوجي.. لأن مهما كانت هي أمــه لو شنو سوت وقالت
زوارتنا أمس، كنت قاعدين في الحديقة بعد الغدا، جان إييبون طبق فيه قطع من الكيك. في أغلب الأحوال أكتفي بالقهوة دون الحلو، لكن عمي قال لي ابنيتي ليش ما تحلّين؟ فـ عشانه ييت بقص لي قطعة عاجبتني لأنها عودة علي، فقلت نص لي ونص حق زوجي، اشوي وإلا خالتي تقول عطيني انا احط لج.. يالله ارزقنا راضية علي.. وهي تسولف يت ذبانة كبيرة على القطعة اللي أبيها.. وخالتي شافتها.. تخيلوا.. كشّتها.. جان اقول لها خالتي ابي بس نصها ما عليج امر.. تخيلوا قصت لي النص.. وعطتني القطعة اللي كانت الذبانة قاعدة فيها
!!
قاصدتها
رح اكمل لكم قصتي وياها
لأني فعلا احتاج افضفض عن هالضيقة
خصوصا اني ماقدر أشكي لأحد
مابي زوجي يزعل
مابي أمي تعرف معاناتي ويضيق خلقها عشاني خصوصا اني وحيدتها
مابي اتكلم لأي انسان اعرفه عشان ما يقولون فلانة تحجت عن خالتها
وفعلتها وتركتها
لأنها أم زوجي.. ويدة ولدي
بالتالي ما عندي إلا انتوا
كنت أتوقع ان هالمثل "دقة قديمة" لأن الزمن تغيّر وتطوّر وتوسعت مدارك الناس و تثقفت، إلا اني غلطانة.. وأحلامي كانت وردية قبل الزواج، وبعده تقولبت الألوان ودشّت ببعضها وتخربطت الحسبة
ربي سبحانه وتعالى عطاني على قد نيتي ورزقني بزوج صالح فيه كل اللي تمنيته.. بإستثناء عادة التدخين ولأنه يحترم رأيي في هالموضوع ليما الحين ما شفته يدخن جدامي من تزوجنا كله بره.. يعني عريس لؤطة على قولة المصاروة
// لا تحسدوني عليه لأنه عصبي جدا ويبي له سياسة وتكتيكات ومساير.. أكرر لا تحسدوني
:)
المهم، أمه.. كنت اسوي لها يا دهينة لا تنكتين، أمدحها.. أدللها بالهدايا..
جدام الناس أوصف فيها أحلى الوصوف وأخليها ملاك تمشي على الأرض
أتشرق فيها.. وأساعدها في الضيافة رغم ان حماتي تحط ريل على ريل وماتسوي شي ينفع
العشرة خلتني أكتشف ان خالتي تموت على المجاملات.. عادي تمدح فلانة ومن وراها فعلتها وتركتها، خلتني ما اتطمن لها، استمريت على عهدي.. قامت تضايقني بتعليقاتها وتصرفاتها وتحطني في مواقف محرجة مع أهلهم. سكت وقلت يالله أطوفها.. باجر بتحس في قدري لما تجرب جنة ثانية تاكلها بلسانها
زادت الجيلة اشوي.. وماقصرت معاي في المواقف
قامت تنرفزني.. بس جدامها اخذ الموضوع عادي وكأنه النقزات مو لي
والله لو اقول لكم المواقف بتقولون هذي صاحية؟؟
فسرت تصرفاتها،، غيرة.. مرت ولدها البكر فلازم تعطيني كورس وتختبر وتجرّب
كنت اتجاهل كلامها.. لكني غيرت طريقتي وقمت أرد عليها بلطف ودبلوماسية بحيث اني ما اجرحها بكلامي، بس يعني ابين لها اني فاهمتها والشي اللي في بالها مو صحيح
جدام زوجي تمدحني، وهو يقول يا كثرما تمدحج
طبعا ما اصدقهم اهما الاثنين.. لأني اسمع كلام يعجبني بس اشوف تصرفاتها اتعجب
أنا اقدر افتعل مواقف تطلع لها نجوم الليل حزة الظهر
لأني اعرف من هي خالتي واشلون اقدر ارفع ضغطها وأوقف قلبها
لكني أرفض اني أتعامل معاها بهالطريقة لعدة أسباب.. أولها ابي حياتي مستقرة وماأحب المشاكل وما له داعي أخلق مشكلة بيني وبين زوجي.. لأن مهما كانت هي أمــه لو شنو سوت وقالت
زوارتنا أمس، كنت قاعدين في الحديقة بعد الغدا، جان إييبون طبق فيه قطع من الكيك. في أغلب الأحوال أكتفي بالقهوة دون الحلو، لكن عمي قال لي ابنيتي ليش ما تحلّين؟ فـ عشانه ييت بقص لي قطعة عاجبتني لأنها عودة علي، فقلت نص لي ونص حق زوجي، اشوي وإلا خالتي تقول عطيني انا احط لج.. يالله ارزقنا راضية علي.. وهي تسولف يت ذبانة كبيرة على القطعة اللي أبيها.. وخالتي شافتها.. تخيلوا.. كشّتها.. جان اقول لها خالتي ابي بس نصها ما عليج امر.. تخيلوا قصت لي النص.. وعطتني القطعة اللي كانت الذبانة قاعدة فيها
!!
قاصدتها
رح اكمل لكم قصتي وياها
لأني فعلا احتاج افضفض عن هالضيقة
خصوصا اني ماقدر أشكي لأحد
مابي زوجي يزعل
مابي أمي تعرف معاناتي ويضيق خلقها عشاني خصوصا اني وحيدتها
مابي اتكلم لأي انسان اعرفه عشان ما يقولون فلانة تحجت عن خالتها
وفعلتها وتركتها
لأنها أم زوجي.. ويدة ولدي
بالتالي ما عندي إلا انتوا
March 15, 2009 at 2:51 PM
اول شي الله يخلي لج زوجج ويديم عليكم السكينة والمحبة ..
وثاني شي وانا اخوج انتي ما تصيرين مثلها لأن أخلاقج عالية .. وما عليه تحملي تصرفاتها عادي .. بالنهاية بنظرها انتي ماخذة ولدها اللي طول عمرها تربي فيه !!
ومسألة الكيكية ترى في ناس فهاوة عادي يمكن مو قاصدة .. صفي النية ..
وإذا بتدققين بكل شي تتعبين ترى :)
موفقة .. وإلى الأمام دائما :)
March 15, 2009 at 4:46 PM
يا بعد جبدي
ويه ويه ويه
كلمتي
صارت ليمونه على جرح
زين تسوين يا اختي تغيشمي
وطوفي
او ردي بس على ضحك وتغشمر
وعموما اذا بعدكم على المستوى بس
فديري بالج من المواجهه
او انج تحسسينها انها قاعده تضايقج
عشان ما تكبر السالفه
ولا تصير عناد اكثر
وزين تسوين لا تقولين حق احد من اهلج
عشان مو انتي بالصاعده والنازلة يقولون لج ها شصار فتكبر السالفه اكثر براسج
وانا اختج
هونيها بتهون كبريها تكبر
March 15, 2009 at 7:37 PM
عزيزتي
احس بلوعتك وغضبك وحزنك
ولكن انتي لست الوحيده التي تمر بنفس الموقف تأكدي ان كل خاله تعامل زوجة ابنها بنفس الطريقه
والله لو عطيتيها عيونج مايكفيها
خلي سرك في بير ولاتشتكين لاحد
والله يديم عليج العقل والتكانه
ويهديلك زوجك ولايغير عليكم
ويبعد عنكم العذال
March 16, 2009 at 4:12 AM
وكليتيها ؟
الحل : بعيد الام عطيها سيديات مسلسل خالتي قماشة
March 16, 2009 at 9:12 AM
أخوي أحمد
من ناحية أدقق.. فهذا الشي اللي موعارفة افجج عمري منه
:)
أما عن زوجي المصون، هي عطتني إياه بكامل رضاها:) وعادي عندي لما اقعد في الشقة اتغدى بروحي لأنه طالع من الدوام دايركت الى بيتهم يتغدا وياهم 3 مرات في الاسبوع.. وما تحلطمت بالعكس أحب اشوف الريال حنون يوصل أهله لأن هالشي ميزة نادرة الوجود
والله مو ماخذته منها :))
March 16, 2009 at 9:17 AM
اختي العزيزة مركبنا
حاولت اتعلم من مرت اخوي عدم المبالاة والضحك على المواقف المنيّلة بستين ألف نيلة، ويا جبل ما يهزك ريح
بس ماقدرت..
الشي اللي اعرفه.. اتغاضى وأطوف جدام الناس، لكن بيني وبين نفسي تحترق اعصابي
March 16, 2009 at 9:25 AM
أم الزين
لا لا لا لا مو كل الخالات
قاعدة اشوف امي اشلون تعامل جناينها
والله تقولين بناتها
لما تصير الجنة زينة
ليش الخالة تصير العكس؟
متى يفترض انها تكون شرسة
لما تشوف الجنة لسانها طويل
وما تقدر أهل الزوج
ودايم تسوي مشاكل
ودايم ملوعة جبد ولدها
انا بريئة من كل هذا
March 16, 2009 at 9:28 AM
فريج سعود !!
امبيه اشتبيها تسوي فيني؟؟
:):)
ايه اكلت الكيكة.. من الداخل بس
وأنا اللي كنت اييب لها كيك فايف ستار من محل اوبرا
ومسوية ميزانية حق زوارتنا
March 17, 2009 at 10:35 PM
loooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooooool
جان قلتي خالتي منقووووله وووكلتيها بايدج ;p
March 18, 2009 at 8:02 AM
LOOL
طافتني هالحركة