اقترحت على زوجي العزيز ان نروح السينما ونشوف لنا فيلم يبعثر ضيقة الخلق اللي صايبتنا هالأيام من الاخبار السياسية والاقتصادية ومغثات الدوام
وافق بشرط انه يكون فيلم كوميدي، دخلت موقع السينما وماشفت غير فيلم مناحي بالقائمة. بصراحة، ترددت احجز قلت يمكن خسارة مايستاهل ومايسوى ومالي خلق نطلع بنص الفيلم.. الوناسة تستحق المبادرة ولو بالشي القليل
كنت أحسب ان الفيلم "عبيط ومسخرة" مثل اللي شفته في دعايات الأفلام الكويتية الجديدة (بإستثناء نفوط) أو ان يكون له صبغة الافلام المصرية اللي احداثها سخيفة وسطحية وما تسوى
بصراحة، الفيلم طلع عكس توقعاتي.. كراكتر الفنان فايز المالكي (مناحي) أثبت قدرته على التميز من الشاشة الصغيرة إلى دور عرض السينما، فعلا الفيلم يضحّك ، راقي في طرح قضايا المجتمع وتناولها بسلاسة إلى درجة انك ما تحس بالملل من الاحداث، وأيضا الفيلم ماهو مجرد فيلم وخلاص، إنما احتوى على أهداف قيّمة تؤثر في نفس المشاهد وتخليه يعيد حساباته في هالدنيا
المهم، إذا منتوا للحين مو شايفين الفيلم، أنصحكم تشوفونه
عشان أغذي روحي بالكوميديا والفكاهة، حجزت فيلم
YES MAN
لـ جيم كاري
وانتوا وين بتروحون هالويك إند؟
.
وافق بشرط انه يكون فيلم كوميدي، دخلت موقع السينما وماشفت غير فيلم مناحي بالقائمة. بصراحة، ترددت احجز قلت يمكن خسارة مايستاهل ومايسوى ومالي خلق نطلع بنص الفيلم.. الوناسة تستحق المبادرة ولو بالشي القليل
كنت أحسب ان الفيلم "عبيط ومسخرة" مثل اللي شفته في دعايات الأفلام الكويتية الجديدة (بإستثناء نفوط) أو ان يكون له صبغة الافلام المصرية اللي احداثها سخيفة وسطحية وما تسوى
بصراحة، الفيلم طلع عكس توقعاتي.. كراكتر الفنان فايز المالكي (مناحي) أثبت قدرته على التميز من الشاشة الصغيرة إلى دور عرض السينما، فعلا الفيلم يضحّك ، راقي في طرح قضايا المجتمع وتناولها بسلاسة إلى درجة انك ما تحس بالملل من الاحداث، وأيضا الفيلم ماهو مجرد فيلم وخلاص، إنما احتوى على أهداف قيّمة تؤثر في نفس المشاهد وتخليه يعيد حساباته في هالدنيا
المهم، إذا منتوا للحين مو شايفين الفيلم، أنصحكم تشوفونه
عشان أغذي روحي بالكوميديا والفكاهة، حجزت فيلم
YES MAN
لـ جيم كاري
وانتوا وين بتروحون هالويك إند؟
.
January 22, 2009 at 1:14 PM
والله شوقتينا أخيتي ..
وجيم كاري متألق دائما ..
دمتم بخير :)
January 22, 2009 at 1:54 PM
روعة بصراحة :)
January 22, 2009 at 10:25 PM
عليج بالعافية
واسم الله عليج ضيقة الخلق
:)
زين تسوون
وان شاء الله دوم مستانسن
انا وزوجي رحنا فلم
Slumdog Millionaire
it is British
وكان وايد حلو
عجبني
طبعا مافيه من الكوميديا ولا ذرة
لكن فلم يستاهل الدخول له
وفي النهاية
اتمنى للجميع عطلة نهاية اسبوع حلوة وخفيفة
:)
January 24, 2009 at 2:17 AM
و الله زين تسوون .. تغيير جو .. و شوقتينا على الفلم .. انا قبل جم يوم رحت فلم الممثل الهندي أكشاي .. بما إني من محبين الافلام الهندية :) .. و توني ادري انه جيم كيري منزل فيلم .. عاد اهوه صج دمه خفيف ..يبيله روحه
موفقة عزيزتي
January 25, 2009 at 11:40 AM
** أحمد الحيدر
الكويت ما فيها شي يونس إلا السينما والمطاعم، وبما إني قاعدة أخفف من الأكل فأني ملزومة انسى المطاعم واتجه للسينما
شفت فيلم جيم كاري، بعد يضحّك
قبل لا أنسى، عن ملحوظتك ان الرياييل سايلنت، انا في الدوام الحين، وبقربي مكتب موظف، مسوي ازعاج هو وربعه سوالف مالها أول ولا تالي وصوتهم عالي.. اتوقع بعد هاليمعة كل واحد بيرجع للبيت سايلنت و أوت أوف كافرج أريا
طموحة مملوحة**
أنتي الأروع
منال **
البريطانيين مافيهم خفة الدم
مادري ليش جديين أكثر من اللزوم
:)
** Pure
تصدقين، من صغري وانا بخاطري أروح فيلم هندي في سينما بس ماكو أحد يشجع.. لا أخواني ولا زوجي
للحين أفلامهم أغاني؟
بصراحة في فيلم شفت دعايته في سينما الكويت بس ما نزلوا الفيلم ولا شفته، اللي اذكره ان هندي اسمه قوقل يحب امريكية ويتزوجها وبعدها ياخذها إلى الهند وتعالي موتي ضحك على المواقف اللي تحصل بسبب اختلاف الثقافات
دورته في السوق ما لقيته، ما عندي إلا موقع امازون، بس غالي على فيلم هندي
January 30, 2009 at 4:49 PM
عليكم بالعافية
والسينما وايد حلوة
واذكر اخر فلم رحت له كان بايخ ونمت واخر الفلم قمت من النوم :))
February 1, 2009 at 8:24 AM
الزميل قانوني كويتي
الله يعافيك.، انا مجربة نومة السينما
مريحة جدا :)
خصوصا لما اروح للأفلام السياسية والتاريخية، سيوف وخيول، وبعض الافلام الخيالية
February 1, 2009 at 9:10 AM
عزيزتى يا امراة لا تنسى
انا سبحان الله اذا الفلم ما عجبنى انام
لان السينما مكان هادي للراحة والاستجمام
:))))
وتحياتى للفلم القادم
February 3, 2009 at 9:22 AM
معقولة ... مناحي عاد ؟؟!!!؟
شجعتيني اروح حق هالفلم بس المشكلة وقته انتهى على مااعتقد ماكو غير انتظره بالتلفزيون
جيم كاري ... فعلا موصاحي هالرجل
وفلمه ممتع جدا
February 3, 2009 at 12:23 PM
المجهول..
روحة السينما بـحد ذاتها ممتعة