Kwt City

مدينة الكويت



هذا الاعلان من افرازات العمالة الوافدة السيئة ، وهو برعاية إحدى النساء الألمانيات (بالمناسبة متزوجة من كويتي ولد الديرة من عائلة "الـز**") الموضوع كنت بكتب عنه من زمان وهو من الـ فضايح المنتشرة في مجموعات الفيسبوك، خصوصا اللي عندهم بروفايل يحمل طابع شخصي بمسمى دي جي الفلاني، وللأسف جنسياتهم عربية و منتشرين في ديرتنا مثل الـ نمل

هالمرة اعذروني عن الكتابة بإسلوب مرتب وبداية وموضوع وخاتمة ، لأن الشي اللي قاعدة اشوفه من هذي الفئة بالفيسبوك يرفع ضغط أي كويتي يحب ديرته ويخاف على سمعتها وسمعة أهله 

إلى متى هالوافديين العرب والأجانب يعفسون الديرة ويترسون جدولهم بحفلات تبدا من انصاف الليالي إلى 4 الصبح بدون رقابة وزارة الداخلية والمباحث؟؟؟ وإلا شاطرين تراقبون المدونين الكويتيين اش يكتبون عن حكومتنا وبس؟؟ وكل ساعة يا ساحبين فلان يا ماخذين فلان.. وهـ النمل ويا افرازاتهم قوت شوكتهم علينا، يا طالعين لنا بإضراب ومكسرين دوريات الشرطة ، يا حاكين ويه ضابط شرطة بالقاع في سوق المباركية!ـ

الاعلان المدرج، ماهو الأول ولا هو الأخير.. تتنوع الاماكن ما بين يخت، شاليه، بيت! مزرعة
وتتنوع البشرية بين رياييل وحريم، كويتيين وغير كويتيين ، الكل لازم إيي كابلز (وحدة وواحد) ما يصير العزوبي يدش بروحه، أما البنت العزوبية الحلوة الأمورة ممكن تدخل الحفلة بروحها ولها تذكرة مخفضة التكلفة

أسعارهم في متناول يد أي مراهق كويتي، الطالب والعاطل عن العمل
وتذكرة اول الليل سعرها غير..  وتذكرة أول الصبح أغلى وتوصل دبــل
يعني بأول الحفلة تكون عادية وكأن حفلة باربيكيو .. وتاليها ليلة مميزة

أنا من ورا شاشة الكمبيوتر عرفت تفاصيل التفاصيل
وصيدتهم بـ بيزة
هل مباحث الدولة رح تتحرك وتشوف موضوعهم؟


15 comments

  1. مـي  

    لا لا لا

    معقولة هالسوالف

    ياربي تحفظ الكويت وأهلها

  2. ReLaaaX  

    :(

    يالله احفظنا :/
    واحفظ اعييلنا وبناتنا

  3. أحمد الحيدر  

    علفيس بوك ؟ وعلني ؟

    اول مرة ادري بصراحة .. بس ما كنت اتوقع بايعينها لي هالدرجة ..

    يبيله تحقيق صحفي عنهم ;)

  4. إمـرأة لا تُنسـى  

    مـــي
    اي والله هالشي قاعد يصير

    الله يستر الى وين بيوصلون

  5. إمـرأة لا تُنسـى  

    ريلاكس
    آمين يا رب

  6. إمـرأة لا تُنسـى  

    اخوي احمد
    اي والله عـ الفيسبوك وعلني
    في قروب ، وأيضا بـ بروفايل
    المنظمين نفسهم، شغلتهم دي جي
    أغاني وعلشان سوقهم طايح يسوون هالحفلات المشبوهة بشكل دوري، ولما تتبعت بروفايلاتهم وقروباتهم لقيت انهم يعلنون عن هالاشياء من زمان وأكثر من سنة

    وللأسف.. في اسماء كويتيين، او قد يكونون بدون أو اسماء مستعاره يختار إنه
    Attend
    للحفلة

    يعني السالفة واصلة للشباب وساكتين

    وأنا ييت وفضحتهم
    xD

    قلعتهم
    xD

    المهم، إن بغيت تسوي تحقيق صحفي عليك فيهم، وإن بغيت بعض العناوين اللي اذكرها، اكتب لي ايميلك وانا ادزهم لك

    :)

  7. fatto  

    هالاشكال ودي اعدمهم من ديرتي

  8. طز بالرجالة  

    ويعه تشيلهم
    الي يقهر ان هالاشكال لاقين الي ملقيهم ويه من الكويتيين

    وينج من زمان عنج

  9. أحمد الحيدر  

    والله ليش لأ أختي .. الموضوع قوي

    هذا إيميلي

    ahmad.alhaidar@gmail.com

    بالغ شكري وتقديري

  10. Princess Sara  

    الله ياخذ ابليسهم !! شغالين خراب بعيال هالديره :(

    وين الحكومه عنهم ؟؟

    ايه و الله ما غير شغالين هالحكومه يلاحقون النائب فلان و علان !!؟

    زين تسوي فيهم أحمد الحيدر !! عليك فيهم


    مشكوووووووره عالبوست
    على فكرة مدونة روعه

  11. Katkoota xD  

    الله يحفظ ديرتنا من كل شر يارب

  12. Bashayer  

    يعطيج العافيه زين تسوين من زمان محتاجين أحد ينظف الديره اختي اذا بضيفج في بلوقي شلون ؟

  13. Uouo Uo  


    thx

    شركه تنظيف

  14. المثالية للتنظيف  


    شركة المثالية للتنظيف - المثالية للتنظيف بالمنطقة الشرقية تسعد بتقديم خدماتها المتميزة للتنظيف ومكافحة الحشرات بالمنطقة الشرقية فتعد الشركة المثالية للتنظيف بالدمام والخبر والقطيف والجبيل والاحساء وسيهات وجدة
    اتصل الان واحصل علي خدمات شركة المثالية بخصم 50% لجميع خدماتها الاتية

    المثالية للتنظيف
    شركة المثالية للتنظيف بالدمام
    شركة المثالية للتنظيف بالخبر
    شركة المثالية للتنظيف بالجبيل

    المثالية
    شركة المثالية للتنظيف بالاحساء
    شركة المثالية للتنظيف بالقطيف

    اذا اردتم التعامل مع شركة المثالية للنظافة الشاملة بالمنطقة الشرقية تواصلوا معنا علي وسوف تحصلون علي خدمة لائقة باسعار مناسبة فتعد اسعار المثالية للتنظيف رخيصة ومناسبة لجميع عملائه

  15. المثالية للتنظيف  


    شركة تنظيف بالاحساء

    http://elmthaly-group.com/%D8%B4%D8%B1%D9%83%D8%A9-%D8%AA%D9%86%D8%B8%D9%8A%D9%81-%D8%A8%D8%A7%D9%84%D8%A7%D8%AD%D8%B3%D8%A7%D8%A1/

Post a Comment