صباح الخير على كل العزيزات والعزيزين زوار مدونتي
سامحوني على القطاعة .. كان عندي جدول حافل
ما بين إلتزامات اجتماعية وترفيهية ونجرية
:)
عندي لابتوب توشيبا ستلايت 70 صار له عمر عندي
تقريبا 4 سنين او اكثر شوي
قطيت الأكو والماكو عليه
زايدته قطع من بره وبصراحة انا هادة حيله
ما بقى فيديوات ولدي مابقى صور ما بقى اغاني مابقى ديزاينات ثقيلة
لين وصل الى مرحلة يقول بس.. قام يتنح علي
!!
مشكلته الكبيرة انه عود وثقيل علي
شاشته 16 انش يمكن وإن ما خاب ظني
المهم ثقيل ثقيل ثقيل
فكرت اشتري لابتوب.. حطيت في بالي سوني الصغير
بس بصراحه وايد عليه اقط فوق الألف دينار
وعلى ويندوز ما يسوى
الحين الناس صارت "ماكية" الهوى
وفعلا الماك يستاهل احترامي وتقديري
كونه نظام اسرع وانظف ومتطور
دشيت لقيت جم نوع للماك وبعد فيه اصناف
احترت
ابي شوركم.. انا وحدة احب تصميم الجرافيكس
وتصميم مواقع انترنت ويهمني ان الماك يكون فيه
local server او شي يشبه له
اش تقولون؟
July 8, 2009 at 5:30 PM
ولكم باك حبيبتي :)
ماعرف بسوالف الجرافيكس واذا تسوين تصاميم حق المدونات لوووول لا تبخلين على اختج لوول
July 9, 2009 at 2:39 AM
أتمنى أتجدي ما تريدين لكن مع الحذر من أن ماك غير متوفر لدى غالب من يعيشون حولك لكن ان كنتي محترفة وهذا ما احسبك :) فهنيئا لكِ بماك وبقربه ماك تشيكن من ماك:)
أتمنى لك التوفيق
July 9, 2009 at 5:59 AM
انا مثلج بالضبط
واليوم داق اسأل اهل الخبرة بالماك
يقولون ال
MacBook pro
July 9, 2009 at 8:27 AM
إذا خبرة وحابة مجال التصميم اللي اعرفه الماك أفضل .. بس مابي أفتي :)
صباح النور ..
July 9, 2009 at 8:52 AM
طموحة مملوحة
تامرين أمر أسوي لج حلو في هالجم يوم اليايين
:)
July 9, 2009 at 8:57 AM
رجل يحمل مشاعر
من يعيشون حولي كانوا من محبي نوكيا وأريكسون، واليوم أجدهم مغرمين بـ البلاك بيري، هذا ما سيحدث خلال الاعوام القادمة، محبي الماك في ازدياد.. عدم انتشاره في الكويت يرجع إلى جشع الوكيل في بيع المنتجات بأسعار غالية جدا
حتماً سأشتريه من خارج الكويت
:)
July 9, 2009 at 8:59 AM
فريج سعود
انا عيني على الماك بروو
واحترت في النظام نفسه
عندهم تقسيمة تشبه وضع
الويندوز، لما تقول ويندوز هووم
وإلا ويندوز بروفشنل
خل أوسع دائرة حيرتك
July 9, 2009 at 9:01 AM
صباحك خير اخوي احمد
انا جربت الماك كـ كمبيوتر في دوامي وغالبا استخدمه لتصاميم المطبوعات، مو وظيفتي الأساسية لكن دوامي يوم اعرفوا اني احب التصميم قالوا خل نحط لج واحد ونستفيد منج.. بيني وبينك احب التصاميم اكثر من تخصصي الإداري
July 13, 2009 at 5:00 PM
انا احس ان الماك رجل دعله
و الويندوز امرأة رشيقة خفيفة الدم
ما احبوش
July 14, 2009 at 1:12 PM
قوه .. شخبارج :)
انا الصراحه ماعندي خبره ابهالسوالف .. كان ودي افيدج :)
والسموحه على القطاعه :)
July 15, 2009 at 10:44 AM
طز بالرجالة
LOL كلامج منطقي
July 15, 2009 at 10:45 AM
العزيزة فااتوو
هلا والله ، من طول الغيبات ياب الغنايم
:)
نورتي المكان
July 15, 2009 at 11:32 AM
اذا اشتغلتي عليه وتعودتي عليه
فانصحك انك تقدمين على خطوة شرائه
بس اذا ما تعرفين شئ عنه وشريتيه
الله يعينك عليه لوووول
وبالمبارك مقدما
July 15, 2009 at 1:43 PM
* مرحبا وايد عجبني امرأة لا تنسى
جنه روايات عبير أول
اتوقع شريتي جهاز الحين مبروك يعطيج خيره و يكافيج شر الفيروسات و التهنك
July 15, 2009 at 4:51 PM
للأسف ما عندي خبرة بالماك
استفتي قلبكي
وعليك بالعافية مقدماً
July 16, 2009 at 4:44 AM
يعطيج العافيه اختي
انا صارلي الحين سنتين من حولت علي الماك
و بصراحة انطباعي الشخصي عنه ان بعد الماك لا عودة للويندوز
نظام خفيف و مريح و يعمل بدون مشاكل تذكر
امن و مافيه خوف من الفايروسات و الهاكرز
نظام الماك الحالي هو ليبورد و لا يوجد له انواع و نسخ متعدده مثل الفيستا
هو نوع واحد
لكن نصيحتي لج اذا تقدرين تنطرين لاخر السنه يكون احسن
اولا الحين توهم منزليم اجهزه جديدة بعدها ما وصلت الكويت و اللي في الكويت ستوكات
و ثانيا في شهر ١٠ راح ينزلون نظامهم الجديد سنو ليبورد
فاذا انتي حريصة على الحصول علي احدث جهاز نطري لاخر السنه
النصيحة الثانيه روحي اشتريه من الخبر ارخص من الكويت
واي سؤال ثاني انا حاضر
شرفيني في مدونتي
انا كاتب عن اجهزتي و عن نظام اللينوكس بعد
تحياتي
July 16, 2009 at 9:00 AM
رزنامة
ايه اشتغلت فيه على الخفيف بالدوام
بس كان حده يضيق الخلق من ناحية العربي
عاد مادري ان كانوا الماكات (جمع ماك) اليديدة احسن من اللي عندي في المكتب
July 16, 2009 at 9:01 AM
ميمة السبيت
ليما الحين ما اشتريته، اشوة ان ريماس قالت لي نطري وإلا جان حالي نفس المرة اللي فاتت لما اشتريت الآيفون من اهني جان ينزل اليديد في امريكا من هناك
والشباب ما قصروا فيني
اكلتها مقلب
:)
July 16, 2009 at 9:02 AM
مالي علاقة لا قريبة ولا بعيدة مع الروايات
حدي حدي روايات مدونة دار عزيزة
:D
July 16, 2009 at 9:03 AM
Star
قلبي واعرفه زين
يحطني بتحديات بايخة أوي
عشان جذي اشوف راي الناس
قبل ما اتدبس بشي
July 16, 2009 at 9:06 AM
ريماس.. واي!! ماتدري اشكثر مستانسة من مداخلتك، وأخيراً لقيت ضالتي الـ ماكـ ية
على شورك بنتظر إلين ينزل اليديد
هل التكلفة تفرق كثير بين الخبر والكويت؟
عندي ناس في أمريكا ممكن إييبون لي واحد من هناك، بس خايفة ان العربي ما يكون مضبوط فيه والكيبورد مافيه حروف عربية
وإلا اشرايك؟
اييبه من امريكا؟ وإلا انطر وادز ناس للخبر؟
July 16, 2009 at 10:32 AM
انا حاضر لاي استفسار
شوفي بالنسبة لامريكا اكيد اجهزتهم ارخص لكن المشكلة بالكيبورد مافيه عربي
و لو تبين تركبين كيبورد عربي هني راح يكلفج اكثر من ١٠٠ دينار عند الحرامية ربعنا اللي هني
طبعا من مميزات الكيبورد بالاجهزة الجديدة ان فيها اضاءة خلفيه للاحرف عشان جذي اذا يبتيه من امريكا ما ينفع انج تكتبين احرف عربيه على الكيبورد لانج راح تفقدين هالميزه
بالنسبة للاسعار في الخبر و البحرين يعتمد علي العروض
انا شريت اول جهاز من البحرين ماك بوك الابيض كان ارخص ب ٤٠ دينار
و السنه اللي طافت شريت جهازي الثاني ماك بوك برو من الخبر ارخص من هني ب ١٢٠ دينار
كان هني سعره ٨١٠ و هناك ٦٩٠
حتى ما كنت مصدق و قعدت اقلب بالجهاز ساعه في المحل اتاكد انه نفس الجهاز و نفس المواصفات
لكن من شهرين تقريبا كنت في البحرين و شفت ان اسعارهم متقاربه من اسعارنا في الاجهزه الجديدة
فاعتقد يعتمد علي العروض اللي عندهم في وقتها
July 20, 2009 at 6:16 PM
أرجو زيارة موقع طبيبك لقراءة الرد على سؤالك من استشاري العيون د. فيصل جراغ
July 27, 2009 at 10:41 AM
ريماس.. مالي إلا الانتظار
اسعار اللابتوبات طايحة بالأرض
معقولة توشيبا واصل 250
وين ايام العز
July 27, 2009 at 10:42 AM
طبيبك
بكل تأكيد انا هناك
مشكور ما قصرت دكتورنا