صباحكم أنا
:)
والله لكم وحشة اشكبرها، صحيح غطيت عنكم في ذيك الأيام بسبب ظروف عائلية ترفيهية
ما أخفي عليكم ارتكبت جريمة! .. اشسويت؟.. دخّلت ولدي الصغير البحر.. وهو ما كمل من العمر سنتين، طبعا تبون التفاصيل؟ أولها الولد زوّع في البحر! لأن أبوه خذاه ودخلاه داخل البحر كلش
وآخرها ارتفعت درجة حرارة جسمه 39 مارضت تنزل إلا لما خليت الشاليه ونزلت الديرة لأقرب مستشفى خاص.. كسر خاطري وبنفس الوقت استانست من وناسته في الماي
لأنه يعشق شي اسمه ماي وتسبّح.. عادي اشوفه ماخذ دور عند باب الحمام ونتوا بكرامة
ولدي الصغير، كل ما يه يساحلني يناديني بإسم الدلع
مع ان ماحد في البيت ولا في العائلة يقوله لي
بس مرة قلت حقه اسمي.. ويوم قاله انا فرحت من قلبي
وكافأته بـ يوم حافل من ألعاب اليهال إلى ماكدونالدز وتفافيخهم
فجر هذا اليوم، قعد إمصحصح مايبي ينام
وأنا قعدت اساحل فيه.. يا ولد الحلال الساعة 3 ونص ووراي دوام
ماكو!! سدحته يمي بيني وبين ابوه قلت يمكن تاخذه النومة
إلا الحبيب ماد إريوله إلى جدام عند ويهيي! ياااااه اشتبي
وإلا يقول لي ... طقي ماما
طالعته إبنص عين.. قلت له هي خاربة خاربة
فـ سويت عليه هجوم تدغدغ لين إدمعت عينه
بكل تأكيد خربنا نومة أبوه
آخر شي، قمت سويت له حليبته
قعدت على السرير وناديته عشان ياخذ مميته
يه وصفط إبحضني وقبل ما ينسدح لمني وقال
حبيبي ماما //
نسيت السهر وإحلوّت القعدة معاه أكثر
بالأخير، لميته وقعدت اغني له اغنيته
صك عيونه.. ونام
وإلا الساعة 6 الصبح وموباقي شي على الدوام
طلعت من البيت.. وانا كلي نشاط وحب
وقال حبيبي ماما
:~)
الدوام ، ذاك اليوم صارت سالفة عودة تموّت من الضحك
بس ماأقدر أقولها الحين، خل تبرد السالفة
مشتاقة أسافر وأغيّـر جــو
رفيجتي أعزها حيل وأغليها
قاعدة تدوّر على شقة إيجار
لأن صاحبة البيت اللي إمأجرين عندها بتزوج ولدها
والمسكينة رفيجتي ما إكملت 3 سنين في الشقة
تخيلوا حجم المأساة لما تنقل اغراضك ويمكن تستغني عن بعضها عشان المكان اليديد يكفي وإلا ما يكفي
إعيزت وهي تدور شقة مناسبة، كل ما تشوف وحدة زينة يكون المطبخ صغير كلش ما يكفي ثلاجتهم وغسالتهم ونشافتهم والغاز والبرادة! تقول انها شافت شقة في مشرف وايد زينة بس المطبخ ما يشيل اغراضها لأن صاير صغير ومستطيل.. لو هي تبي تدخل المطبخ تقول للخدامة تطلع بره عشان يكفي
:)
المهم، قلت لها مايصير خاطرج إلا طيب احط لج إعلان في الانترنت
ونشوف إذا في احد من المدونين يعرف بيت عندهم شقة مناسبة
عايلتها صغيرة جدا، هي وزوجها وياهل عمره صغير والخدامة
يبون 2 غرفتين وسيتحسن 3 غرف.. وضروري يكون فيها غرفة خدامة
وسلامتكم :)
:)
والله لكم وحشة اشكبرها، صحيح غطيت عنكم في ذيك الأيام بسبب ظروف عائلية ترفيهية
ما أخفي عليكم ارتكبت جريمة! .. اشسويت؟.. دخّلت ولدي الصغير البحر.. وهو ما كمل من العمر سنتين، طبعا تبون التفاصيل؟ أولها الولد زوّع في البحر! لأن أبوه خذاه ودخلاه داخل البحر كلش
وآخرها ارتفعت درجة حرارة جسمه 39 مارضت تنزل إلا لما خليت الشاليه ونزلت الديرة لأقرب مستشفى خاص.. كسر خاطري وبنفس الوقت استانست من وناسته في الماي
لأنه يعشق شي اسمه ماي وتسبّح.. عادي اشوفه ماخذ دور عند باب الحمام ونتوا بكرامة
ولدي الصغير، كل ما يه يساحلني يناديني بإسم الدلع
مع ان ماحد في البيت ولا في العائلة يقوله لي
بس مرة قلت حقه اسمي.. ويوم قاله انا فرحت من قلبي
وكافأته بـ يوم حافل من ألعاب اليهال إلى ماكدونالدز وتفافيخهم
فجر هذا اليوم، قعد إمصحصح مايبي ينام
وأنا قعدت اساحل فيه.. يا ولد الحلال الساعة 3 ونص ووراي دوام
ماكو!! سدحته يمي بيني وبين ابوه قلت يمكن تاخذه النومة
إلا الحبيب ماد إريوله إلى جدام عند ويهيي! ياااااه اشتبي
وإلا يقول لي ... طقي ماما
طالعته إبنص عين.. قلت له هي خاربة خاربة
فـ سويت عليه هجوم تدغدغ لين إدمعت عينه
بكل تأكيد خربنا نومة أبوه
آخر شي، قمت سويت له حليبته
قعدت على السرير وناديته عشان ياخذ مميته
يه وصفط إبحضني وقبل ما ينسدح لمني وقال
حبيبي ماما //
نسيت السهر وإحلوّت القعدة معاه أكثر
بالأخير، لميته وقعدت اغني له اغنيته
صك عيونه.. ونام
وإلا الساعة 6 الصبح وموباقي شي على الدوام
طلعت من البيت.. وانا كلي نشاط وحب
وقال حبيبي ماما
:~)
الدوام ، ذاك اليوم صارت سالفة عودة تموّت من الضحك
بس ماأقدر أقولها الحين، خل تبرد السالفة
مشتاقة أسافر وأغيّـر جــو
رفيجتي أعزها حيل وأغليها
قاعدة تدوّر على شقة إيجار
لأن صاحبة البيت اللي إمأجرين عندها بتزوج ولدها
والمسكينة رفيجتي ما إكملت 3 سنين في الشقة
تخيلوا حجم المأساة لما تنقل اغراضك ويمكن تستغني عن بعضها عشان المكان اليديد يكفي وإلا ما يكفي
إعيزت وهي تدور شقة مناسبة، كل ما تشوف وحدة زينة يكون المطبخ صغير كلش ما يكفي ثلاجتهم وغسالتهم ونشافتهم والغاز والبرادة! تقول انها شافت شقة في مشرف وايد زينة بس المطبخ ما يشيل اغراضها لأن صاير صغير ومستطيل.. لو هي تبي تدخل المطبخ تقول للخدامة تطلع بره عشان يكفي
:)
المهم، قلت لها مايصير خاطرج إلا طيب احط لج إعلان في الانترنت
ونشوف إذا في احد من المدونين يعرف بيت عندهم شقة مناسبة
عايلتها صغيرة جدا، هي وزوجها وياهل عمره صغير والخدامة
يبون 2 غرفتين وسيتحسن 3 غرف.. وضروري يكون فيها غرفة خدامة
وسلامتكم :)
July 28, 2009 at 10:59 AM
يحليله الله يخليه لكم وتفرحون فيه معرس :)
مسكين حرارة شمسنا مو مال تخلونه في البحر بدون ما تغمسونه كل دقيقة في الماي عشان ما تأثر فيه حرارة الشمس _ نوعا ما
وبتلاحظين ان الياهل نطر ونشحذ منه الكلمة في اول كلمات يقولها
واول ما يبدي يقرقر نقعد نسكته لوووول
بخصوص الشقة اذا في شئ حوالينا نبلغكم باذن الله
July 28, 2009 at 3:45 PM
وختتتتتتتتتتتي حلاااااااااااااته
حبيبي ماما واهو صاج فيه اغلى من الام ؟ :)
الله يحفظه ويبلغكم فيه معرس
July 29, 2009 at 5:37 AM
يحلييييييييييييييييييله
الله يحفظه ان شاء الله ومايشوف شر
:)
July 29, 2009 at 10:35 AM
اصدقائي..
تسلمون ما قصرتوا على الكلام المفرح
August 10, 2009 at 10:42 AM
* صباح الورد
ياحلو اليهال و خاصة اول ما يبدون يتكلمون انا بنتي عمرها 9 شهور و كل يوم اقولها يله يا ماما متى تتحجين مره اسمعتني امي و انا اقولها جذي جان تقولي لاحقه عالحجي و طولة للسان راح تسمعين حجي عجيب غريب ياما سمعنه منكم ، صراحه انقص ويهي و سكتت بس للحين ودي اسمعها تتكلم
الله يحفظهم انشالله و يحرسهم هذول نبض قلوينا