Kwt City

14 comments

1. well_serviceman  
   June 10, 2009 at 7:04 AM

   نعم.. أصبتي أختي..
   
   للأسف شبابنه ومراهقينه أصبحوا يتطلعون للغرب كمثل أعلى لهم ، متناسين بذلك كل العادات والتقاليد الأصيله الموجوده عندنا والمتوارثه من آباءنا وأجدادنا.
   
   شيئ جميل التطلع للدول المتقدمه ، ولكن يجب التطلع لما هو مفيد ويدعم التقدم والتنميه وتطوير الذات ، وليس التطلع إلى "حثاله" و "قمامة" المجتمعات الأخرى والتباهي بها في مجتمعات لها عاداتها وتقاليدها الأكثر من جميله.
   
   خساره على بعض هالشباب

2. رزنامــــــة  
   June 10, 2009 at 10:19 AM

   اتفق على ان مشكلة التقليد الاعمى لبعض الشباب المراهق في الكويت صارت واضحة
   
   سلاسل وخرابيط وتاتو واللزي منوو
   وايضا البنات مو مقصرين
   
   بس ما خطر على بالي موضوع هيب هوب والتشخبط على الطوف انها من نفس الهبه
   وقاعد اقول لنفسي انتقلنا من سوالف ( عز العوازم المليئة بالاخطاء الاملائية )
   الى الرسم بطريقة حلوة
   
   وما توقعت انها امتداد لسوالف المصبنة
   الله يشفيهم بس , وشكرا على التنبيه
   
   ملاحظة : ايفون الجديد نزل امس هاردلك لي ولج ولجميع من اشترى الجهاز خلال الشهرين الماضيين
   
   بس ايضا القديم مافيه شئ والسوفترير الجديد بيحل الكثير من السلبيات القديمة

3. إمـرأة لا تُنسـى  
   June 10, 2009 at 11:06 AM

   سيرفس مان ،
   اي والله، الله يهديهم

4. إمـرأة لا تُنسـى  
   June 10, 2009 at 11:09 AM

   رزنامة..
   نزل الكويت؟؟؟؟
   
   خبري ان ينزل عندهم بالأول..
   وبعد 6 شهور أو اكثر ينزل عندنا
   
   
   أنا بنتظر ليما السنة الياية
   ابيع اللي عندي في المدونة
   وأسوي مزاد عليه ;D

5. إمـرأة لا تُنسـى  
   June 10, 2009 at 11:27 AM

   شفت الآي فون الجديد.. مو مغري كلش
   
   
   :P

6. رزنامــــــة  
   June 10, 2009 at 2:36 PM

   اقصد انهم اعلنوا عنه
   ولكن نزوله الكويت يحتاج وقت
   
   وكشكل هو نفس الشكل
   ولكن المتوقع ان يكون الجهاز الجديد اللي بينزل السنة القادمة ومثل ما عودت شركة ابل عملائها في تنزيل جهاز جديد كل سنة
   هو المحطم لمعايير الاجهزة القديمة
   ولكنه كعملية تسويقية ما حط ثقله بجهاز هالسنة حتى لا يبخس حق زبائنه القديمين

7. well_serviceman  
   June 11, 2009 at 8:37 AM

   بخصوص الآيفون ياجماعه مانزل اليديد..
   
   اللي نزل هو البرمجه اليديده فقط
   وهي
   
   iphone 3G-S
   يعني مايحتاج احد يغير جهازه.. مجرد تطوير سوفتوير وينتهي الموضوع.. أما بالنسبه للآيفون الجديد متوقع نزوله عندنه اهني تقريبا آخر شهر عشره ولا 11
   
   شكرا :)

8. إمـرأة لا تُنسـى  
   June 11, 2009 at 9:44 AM

   فعلا، الشي الجديد هو
   السرعة ، كاميرا 3 ميجابكسل
   وتصوير الفيديو
   الكوبي والبيست
   والفوروود
   والأم أم اس
   وخاصية البحث
   
   
   فقط لا غير..
   لو قايلين انهم ضايفين كاميرا أمامية
   للاتصال الفيديو ، وزايدين البلوتوث
   ومركبين الراديو، والبراورز يسمح تنزل اغاني من المواقع العادية وتشغيل الريل بلاير..
   
   بهذي الطريقة ممكن يقنع اللي اشترى تلفونه أمس يبيعه اليوم وياخذ الجديد
   
   :)

9. Anonymous  
   June 14, 2009 at 6:04 AM

   Why wouldn't they be interested, if not obsessed with, hip hop and other foreign attitudes?
   
   It's the only available form of "attitude" since it's widely promoted, as opposed to our culture, music, and traditions which no one seems to take pride in or promote.
   
   This is also attributed to lack of parenting in Kuwait. A catastrophe really.

10. فريج سعود  
    June 17, 2009 at 3:10 PM

    ابي الهيلاهوب الي ينلبس اختفى ولا تغير اسمه ولا شنو السالفة ؟

11. جاردينيا 2000  
    June 17, 2009 at 10:59 PM

    اشكرج على الموضوع ..المراهقين يعبرون عن تمردهم بفعل شي ملفت وشي غريب ..وتعبيرهم عن التحرر من اهلهم والتمرد في اي شي غريب وظاهر..يعني ينشاف ويقث ويحر جذي ينتقم من امه وابوه ومدرسينه وكل من يحاول ينصحه او يعلمه ..المراهق يحاول اقولكم انا حر ..وأعيش من غير قيود ..أنا شجاع ..بلبسي هذا الشاذ عن الدارج ..علشان جذي ينفشون الكشه يقلدون عبده الشيطان او تغيير جنسهم ..اي شي خارج عن المألوف ..يتفننون في لفت الانتباه

12. إمـرأة لا تُنسـى  
    June 18, 2009 at 8:24 AM

    * Anonymous
    فعلاً كارثة.. برأيك شنو الحل؟

13. إمـرأة لا تُنسـى  
    June 18, 2009 at 8:26 AM

    * فريج سعود
    الله يقطع إبليسك ضحكتني :))
    
    يمكن تغير إسمه.. لأن مو موديرن
    ههههه

14. إمـرأة لا تُنسـى  
    June 18, 2009 at 8:53 AM

    جاردينيا،
    صح كلامج والله

Post a Comment