اسماء الشخصيات و وظيفتهم وتاريخ زواجهم.. "وهمية" إلا انها قصة حقيقية
فيصل ، الموظف الجديد اللي يه مكان المشرف الاجتماعي السابق، أول ما عرفناه تكانة.. رزين.. حتى سلام ما كان يسلم الصبح، حتى اعتقدت انا ورفيجتي انه يستحي من البنات، و احنا احترمنا هالشي ما كنا نسلم عليه عشان ما نحرجه. رفيجه أحمد في المكتب المجاور، انسان خلوق، اجتماعي، يوقف عند كل باب يسلم ويمكن يسأل ويتكلم عن جم موضوع عام ويمشي.. واحنا بعد كنا إذا مرينا يم مكتبه سلمنا عليه واحنا واقفين.
مرت شهور، سمعنا ان فيصل تقدم حق جارة رفيجه اللي معانا في الدوام، وقال لنا أحمد ان هو اللي دله على بنت جارهم كونها خوش انسانة ويعني "متنقـص له" هالبنت.. أنا ورفيجتي ضحكنا من وراه وعلقنا ليما قلنا بس، بس والله تعليقنا كان بحدود النقصة (كما يحب هو ان يسميها) فـ قلنا ليش ماهو خذاها له رايح متنقصها حق رفيجه، قلة اللي يسوون جذي
المهم، مرت 3 سنين على زواج فيصل، وحتى أحمد تزوج انسانة شحليلها خوش بنت
ذاك اليوم وأنا مع رفيجتي في المكتب نسمع وحدة تضحك من قلب.. ضحكة فصاعة.. إلتفت إلى رفيجتي "صج اللي سمعته" جان تقول لي يمكن هذي موظفة ما تعرف تمسك نفسها لما تضحك! قلت لها نعم؟؟ مو جذي يضحكون جنها قاعدة في كازينو بمصر!!.. المهم ما كنا ندري هذي منو
مرت الأيام واحنا نسمع سوالفها وضحكها وغشمرتها البايخة مع منو... مع فيصل وأحمد
احمد ما كان يندمج معاهم ودايما يخلي المكتب ويروح يشوف شغله.. بقى فيصل
قمنا نشوف هالبنت كل يوم في مكتب فيصل.. تسولف وتضحك (بعد حريم اشتبونا نسوي لازم نعرف من هي) .. أول شي قلنا يمكن هذي زوجة فيصل، بس مستحيل ان فيصل يرضى انها تضحك جذي علناً ومكتب رفيجه لزيقه ويمه، وتخليه يقوم من مكتبه وهي تقعد على كرسيّه وبحضور باقي الربع اللي اشكالهم ما تنبلع، يعني كراكتر شخصيته مو جذي هو رزين. قلنا يمكن طالبة في الجامعة وعندها مشكله.. بس سوالفها غير شكل.. فصاعة وتدلـّع على كيف كيفه
يوم كانت رفيجتي تاخذ اوراقها من السكرتيرة، إلا و هذيك تطن ضحكتها لآخر الممر، جان تسأل السكرتارية من هذي؟؟ فقالت لها انها موظفة يديدة في القسم الفلاني (اللي ماله شغل كلش بشغل فيصل) .. رجعت رفيجتي تقول لي السالفة
يعني معقولة يا شباب اللي يتزوج يرضى يكون في هالوضـع؟
ويصير عسل على قلبه؟
إنزين لو زوجته مرت عليه صدفة، اش تشوووف؟؟؟
إنزين هل فيصل رح يرضى يشوف زوجته قاعدة بمكتب موظف وتضحك وتكركر؟؟
إنزين ليش مايكون عندنا اخلاقيات في العمل وخارج العمل؟؟
مرت شهور، سمعنا ان فيصل تقدم حق جارة رفيجه اللي معانا في الدوام، وقال لنا أحمد ان هو اللي دله على بنت جارهم كونها خوش انسانة ويعني "متنقـص له" هالبنت.. أنا ورفيجتي ضحكنا من وراه وعلقنا ليما قلنا بس، بس والله تعليقنا كان بحدود النقصة (كما يحب هو ان يسميها) فـ قلنا ليش ماهو خذاها له رايح متنقصها حق رفيجه، قلة اللي يسوون جذي
المهم، مرت 3 سنين على زواج فيصل، وحتى أحمد تزوج انسانة شحليلها خوش بنت
ذاك اليوم وأنا مع رفيجتي في المكتب نسمع وحدة تضحك من قلب.. ضحكة فصاعة.. إلتفت إلى رفيجتي "صج اللي سمعته" جان تقول لي يمكن هذي موظفة ما تعرف تمسك نفسها لما تضحك! قلت لها نعم؟؟ مو جذي يضحكون جنها قاعدة في كازينو بمصر!!.. المهم ما كنا ندري هذي منو
مرت الأيام واحنا نسمع سوالفها وضحكها وغشمرتها البايخة مع منو... مع فيصل وأحمد
احمد ما كان يندمج معاهم ودايما يخلي المكتب ويروح يشوف شغله.. بقى فيصل
قمنا نشوف هالبنت كل يوم في مكتب فيصل.. تسولف وتضحك (بعد حريم اشتبونا نسوي لازم نعرف من هي) .. أول شي قلنا يمكن هذي زوجة فيصل، بس مستحيل ان فيصل يرضى انها تضحك جذي علناً ومكتب رفيجه لزيقه ويمه، وتخليه يقوم من مكتبه وهي تقعد على كرسيّه وبحضور باقي الربع اللي اشكالهم ما تنبلع، يعني كراكتر شخصيته مو جذي هو رزين. قلنا يمكن طالبة في الجامعة وعندها مشكله.. بس سوالفها غير شكل.. فصاعة وتدلـّع على كيف كيفه
يوم كانت رفيجتي تاخذ اوراقها من السكرتيرة، إلا و هذيك تطن ضحكتها لآخر الممر، جان تسأل السكرتارية من هذي؟؟ فقالت لها انها موظفة يديدة في القسم الفلاني (اللي ماله شغل كلش بشغل فيصل) .. رجعت رفيجتي تقول لي السالفة
يعني معقولة يا شباب اللي يتزوج يرضى يكون في هالوضـع؟
ويصير عسل على قلبه؟
إنزين لو زوجته مرت عليه صدفة، اش تشوووف؟؟؟
إنزين هل فيصل رح يرضى يشوف زوجته قاعدة بمكتب موظف وتضحك وتكركر؟؟
إنزين ليش مايكون عندنا اخلاقيات في العمل وخارج العمل؟؟
June 21, 2009 at 11:43 AM
من راقب الناس مات هماً
June 21, 2009 at 12:15 PM
استاذ حمام
ماني فاضية أراقب فلان وفلنتان
ازعاجهم يجبرك ان يوصل لك الى مكانك
تطور السلوكيات الذكورية .. أمر محيّر
وأنا كتبت الموضوع لمناقشة هذي السلوكيات
مو علشان اقول لكم فيصل اشسوى وإش استوى :)
عموما، خل اروح اكتب ان الاسماء والوظايف وهمية، بس احداثها واقعية
June 21, 2009 at 12:45 PM
:)
لا حول ولا قوة الا بالله
انتي بروحج قلتيها
حريم
يحبون يعرفون الموضوع
وفضول
June 21, 2009 at 1:16 PM
منال..
هو في الحريم بس؟؟
عيل ما تدرين ان المجتمع الذكوري يطقنا 10 صفر في أمور البحث والتحري، ترى فيهم فضول مو طبيعي
:) عندنا وعندهم خير
June 21, 2009 at 4:04 PM
كسر الحاجز
اعرف الكثيرين ممن يشابهون فيصل في صفاته
ولكن بعد اسبوع من الزواج تغيروا 180 درجة، والجواب دائما هو كون الزواج عمل كسر للحاجز النفسي بينهم وبين الجنس اللطيف، الذي في الغالب يكون قد تراكم نتيجة عدم اختلاطهم بالنساء بأي شكل من الاشكال منذ صغرهم
..
المشكلة هنا ان اغلبهم تعدوا مرحلة فيصل ولم يعيشوا مراهقتهم الا بعد ان تزوجوا وانكسر الحاجز!
June 22, 2009 at 8:00 AM
انطلق الريال وإنفجت عقدته
شكرا اخوي مودلس على المداخلة
أظنها واقعية وفي الصميم
June 22, 2009 at 8:06 AM
كلامك كله عن هذي الفصعة
بس شنو اخبار الريال اللي تكلمه
هل هو متقبلها وياخذ ويعطي معاها بشكل عادي والا متضايق
يمكن هالبنت لزقة ومو عارف يتخلص منها
اتوقع اذا تمونون عليه تتجمعون وتعطونه نصيحة وتقولون له ترى وجود هالبنت بتصرفاتها هذي يسيئ لك ومن هالحجي السنع
جود ينتفض ويعدل الوضع
June 22, 2009 at 6:18 PM
واللــه البنـات يخرعون يلهفون عقل
الريال لهاف
والريايل يخرعون أكثـر بعـد
صج بطة جبدي السالفه
June 23, 2009 at 11:11 AM
والله عندنا أعظم من جذي حوادث ..والله لما انشوف ونسمع ..الي قاعد اصير عندنا في الدوام ...إنقول لا لا مومعقوله الي قاعد اصير ..يمكن نتوهم أو انضن السوء ..بس لما اصير الموقف جدام مجموعه موظفين كلنا انطالع بعض ..وناخذ نفس عميق ..ونكمل شغلنا ..تعودنا
والغلط من طرفين ..البنت ارسلت رساله بطريقه ما ..والريال استقبل ..مو إهيا عارضه نفسها ..ويايه بريولها ..وتقوله شبيك لبيك ..أهوا شنو تتوقعون منه ..بصد ..إنزين صدها شهر أثنين ..لي متى ..خلاص ..قال نتسلى ..والفرجه بلاش
وفي من طرف الرجال او العكس ..أذا الطرف الثاني ماعطاه ويي ...ياويييله ..مصايب اطيح عليه ..إن كانت بنت ..راح تتبلى عليه وتوصل الى حياته الشخصيه
وإذا كن المعتدي رجل ..راح يمحي البنت محاي من الوجود الاجتماعي ..أبسط شي صوره في ابلوتوث او إيميل واحد وتركيب صوره راح البنت فيها
المهم الله إحفضنا من هل أشكال ..ويستر علينا وعليهم
July 4, 2009 at 12:36 AM
السلام..
في بعض الذكور يمثل التكانه بالدوام او مكان اليومي مثل الجامعه او الشغل وبرا يكون غير..
وبعض الذكور يعتمد على شخصيه البنت اذا رسميه او سيده يتحاشها واذا فري او قليلة ادب يسايرها..
وبس سلامتج..
شرايج بالتحليل؟؟:)
الله بهديهم ولا يبلانا يارب..
July 5, 2009 at 11:14 AM
moodless
ماذا بعد كسر الحواجز؟.. ممكن تكون هناك انطلاقة لبدء حديث لكن مو إبزوده
يعني هل في ريال بيرضى لو تزوج وحدة خجولة وبعد جم شهر لقاها مع رياييل الدوام تقعد إبمكاتبهم وتضحك وتكعكع هل رجولته بترضى هالشي؟
moodless
مادري ليش الرياييل للحين يقولون ان الريال شايل عيبه مع اثنينهم يتحاسبون عند ربهم والدنيا تغيرت
July 5, 2009 at 11:16 AM
رزنامة
ما اتوقع الريال متدبس فيها كونه يستقبلها بإبتسامه ويضحك معاها ويتغشمر، لو كان متضايق جان ما كرمها وخلاها تقعد على كرسي مكتبه
الله يكافيك شر التدبس يا رزنامة
July 5, 2009 at 11:22 AM
The One
السالفة موجودة بكثرة ، عاد اللي يدري يدري واللي ما يدري له الله
.. عندنا وحدة متزوجة تحب تستقبل الموظفين وسوالف على المليان والفاضي
وشرب جاي وتدخن زقاير
احيانا لما اكلم زوجي بالموبايل يظل ساكت وصافن يسمع حجيهم
بعدها يقول لي هالخمة وين قاعدين :\
اقول له بالممر.. اخاف اقول له في المكتب اللي يمي عقبها يباخذ فكرة شينة ويقول لي غيري دوامج
وصح كلامك اثنينهم يخرعون
July 5, 2009 at 11:24 AM
جاردينيا .. آمين يا رب
July 5, 2009 at 11:25 AM
رورو كلامج صح وتحليلج مضبوط
July 27, 2009 at 2:07 PM
** عادي ياخويتي بالدوام ياما تشوفيين بلاوي و على قولت يدتي خافي من السكوتي مير انه لووووتي
و بنات بليس وايد لايهمهم متزوج ولاعزوبي كله محصل بعضه