أحب // بشدة // أن أواكب التطور التكنولوجي
أول موبايل اشتريته كان "الكاتل" سنة 1998
ميزته انك لو كنت في سابع سرداب تحت الأرض
يكون فيه سيرفس!
غير ان لونه كان يشوّق وليتاته برتقالية
بعدها، استخدمت نوكيا بأنواعه.. ثم سوني أريكسون
حاليا HTC cruise
عجبني فيه نظام الويندوز لكنه بطيء ويعلّق
والكيبورد باللمس.. صغير لازم استخدم القلم
انصحوني ان استخدم الـ
iPhone 3G [32 GB]
سعره بره الكويت واصل 107 دنانير
داخل الكويت الـ 16 جيجابايت واصل 270 دينار
انصدمتوا؟
الفرق كبير، قاعدة افكر اني اطلبه من أمازون
هل استعمال الأي فون ممتع وسهل وسريع؟
هل فيه عيوب؟
هل تعرفون مكان في الكويت يبيعه بسعر معقول؟
يقولون انه احسن من بلاك بيري بكثير
على طاري البلاك بيري.. ليش الناس ذبحه عليه؟؟؟؟؟؟؟؟؟؟؟؟؟؟؟
كل من عنده بلاك بيري تلقاه لاهي فيه وعيونه ما تنشال منه
ليش؟
:)
May 19, 2009 at 6:51 PM
والله انا من رأيي انج تشترين جهاز يكون نوعا ما كامل ومواصفات حلوة وسعر يكون لا غالي ولا يكون رخيص
لأن احنا عندنا بالكويت الأجهزة بكل اسبوع تنزل اجهزة احلا من الي قبلها وهذي المشكلة
وترى الأريكسون مو طبيعي اليديد وفيه بلاوي زرقة وما يحتاج من شركة سوني وسوني معروفة بالتكنلوجيا اذا انتي تحبين الشغلات هذي
ونصيحتي لج أخذي الأركسون وفيه مميزات افضل من الآيبود والنوكيا بوايد وصك عليهم اصلا من السنة الي طافت
وانا عجبتني سالفة تدغدغ اليهال لوووووووول
وبالتوفيق
باي باي
May 19, 2009 at 8:22 PM
والله مو خبير بهالسوالف اهم شي عندي بالتلفون انه يسيف اغاني وايد لووول
May 20, 2009 at 8:34 AM
صباح الخير
انا حاليا عندي ايفون 3جي
صراحة الجهاز عجيب
ولكن يعتمد على طريقة استعمالك للجهاز
بس في البداية اذا بتشترينه اونلاين بتتوهقين لأن المعروض مخصص فقط لأمريكا وعليه قفل وفي عقد لازم توقعينه مع شركة at&t عشان جذي سعره رخيص
بعض الدول تبيعه بدون قفل لأن عندهم سياسة بعدم الاحتكار لشركة واحدة ولهذا السبب اضطرت شركة ابل بفتح الجهاز لهذه الدول ،،، وهني كانت الفرصة للشراء من هذي الدول والتصدير حول العالم :) والدول هي ( ايطاليا ، جنوب افريقيا ، روسيا .. واكو وايد دول بعد بس نسيتهم )
الجهاز له عيوبه وله ايجابياته
بالنسبة لي عيوبه اقدر اتغاضى عنها ولكن ماادري عنكم :)
ايجابياته هي ان الجهاز يعتبر تلفون ونظام ترفيهي بنفس الوقت ، تقدرين تحطين فيه برامج غريبة عجيبة وممتعة
بالاضافة الى اكو بنفس الجهاز ايبود ويوجد جوجل ماب ( الخاص بالخرائط ) بمعنى ان الجهاز يقتل وقت الفراغ بالتعامل معاه
سلبياته بينحل جزء كبير منها بعد شهر بالضبط لأنهم بينزلون سوفتوير يحل اغلبية هذه السلبيات
ولمعرفة سلبياته فهي كالتالي :
خاصية اعادة ارسال الرسالة ماهي موجودة
ولكن نقدر ننزل برنامج واحد ويحل لنا هالشغلة وانا حليتها بجهازي
الجهاز للاسف مافيه عربي ،، ولكن وبكل سهولة نقدر ننزل برنامج مجاني للتعريب بس لمزيد من الاحترافيه بالتعريب اكو تعريب اسمه ايفون اسلام عندهم تعريب مضبوط وبعض البرامج الاسلامية المميزة
www.iphoneislam.com
تحصلون بهالموقع القران الكريم كامل ، اذكار ، نظام احتساب الزكاة ...
نسيت اقول ان اكو برامج مجانية واكو برامج بفلوس .. بس بالنهاية كل اللي بفلوس بيتحول ببلاش بالمستقبل
خدمة ال ام ام اس لازم تكون عن طريق برنامج
البلوتوث ايضا لازم يكون عن طريق برنامج
ولها السبب قلت من البداية انهم بالسوفتوير الجديد بيحلون اغلبية هالامور وبتكون موجودة بالجهاز نفسه بدون برامج
علما بان البرامج تعمل بشكل مميز وحلو
اسف على الاطالة
اي صح نسيت اقولك ليش العالم
اقصد طلبة الجامعة مولعين بالبلاك بيري
لأن اكو داخله ماسينجر تدزين مسجات مجانية بين جهازك البلاك بيري والاجهزة الاخرى من نفس النوع
وبالتوفيق
May 20, 2009 at 8:38 AM
http://www.youtube.com/watch?v=QLMOOtOYOrI&feature=player_embedded
مقارنة حلوة بين الجهازين
May 20, 2009 at 9:13 AM
Songo..,
أصبح التطور التكنولوجي سريع للغاية، في السابق كنا نسمع كل 10 سنين او 5 سنين اختراع جديد أو تطور جديد طرأ على التكنولوجيا. أما اليوم أصبحت عجلة التطور أسرع مما نتوقع فقد كانت سنوية والآن اصبحت نصف سنوية
لهذا، صدقت بكلامك لما قلت ان السوق ينزّل كل اسبوع اجهزة جديدة احلى من اللي قبلها.
سوني أريكسون، نعم عشقت موبايلي السابق
K800i على ما اذكر
الذي يحتوي على كاميرا 5 ميجابيكسل الرائعة التي تمكتك من تصوير الأوراق بشكل واضح جدا
فعلا سمعت عن سوني اريكسون الجديد
شكله جذاب.. مرن أكثر من قبل
بس اشلون على البرامج اللي فيه؟
اليهال ملائكة تمشي على الأرض
أحلى شي ضحكتهم اللي تطلع من قلب
May 20, 2009 at 9:20 AM
أهلين طموحة،
يبي لج آ بود :)
بالنسبة لي اهم شي انه سريع وما يعلق لما استخدمه، تعدد البرامج المفيدة واللي لها علاقة بالانترنت، انا ماني هاوية ماسنجر وسوالف، لكن احب أجيك على ايميلاتي وأقرا المواقع، اجيّك على المدونة، اشوف الفيس بوك مالي_مو عشاني_ لا لقافة عشان اشوف الاهل اش قاعدين يكتبون في الفيس بوك :))
وغيره من البرامج.. واحب ان اعدادات الموبايل تكون بروفشنل، يعني موبايل الاج تي سي اللي عندي ما يشغل تنبيه الساعة ان كان مسكر الموبايل او سايلنت!!! لازم يكون بالوضع الطبيعي.. يعني تخيلي وانتي نايمة اييج اتصال آخر الليل من وحدة تسألج عن شي بايخ، كل مو وقته، أذية هالعيب اللي فيه
May 20, 2009 at 9:24 AM
الزائر غير معروف
شكرا على الإطالة، مفيدة جدا المعلومات اللي ذكرتها. لقيت مواقع كاتبة
unlock يعني مو محتكرينه لشركة معينة
كنت افكر اني آخذه من بره، بس وحدة قالت لي اخذه من الكويت احسن عشان يكون حاطين له التعريب والبرامج وأي صيانة تحتاجينها.. عاد مادري صاجة وإلا تألف الحجي :)
هل آخذه من اي سيتي، وإلا الغانم، وإلا ألكتروزان؟
يفرق معاي بشي؟
May 20, 2009 at 9:41 AM
على فكرة اذا اخذتيه من برة وهو غير مقفول وضامنة ان بعد ما تسوين له بين اي فترة واخرى ابديت ما يقفل عليج
توكلي على الله واشتريه من برة ومسألة التعريب سهلة جدا وتقدرين تروحين حولي ويركبون التعريب ب 10 د.ك
او تركبينه اونلاين ب 30 دولار
نسيت اقولك ان كاميرة الجهاز موذاك الزود
2 ميجابيكسل بس
انا شريته من اللكتروزان وعطاني كفالة لمدة شهر
اما الغانم ويوريكا كفالتهم اسبوع او مالهم كفالة بعض الاحيان
بس ميزة المحلات الثلاث ان الجهاز عندهم مفتوح ولما تسوين اي ابديت يرجع مفتوح وما يقفل
بخصوص البرامج مااكثرها
تقدرين يحطون لج برامج شكثرها من الحلات بس نص هالبرامج ما تحتاجينها بس اذا انتي اخترتيها بتحسين بحلاوتها وحدة وحدة كل ما نزلتيها
تحياتي
May 20, 2009 at 12:32 PM
البلاك بيري ذبحة عليه عشان موضه وعشان الانترنت يعني جنه عندج لاب توب صغير
انا اقول خلج مع الهبه واشتري بلاك بيري :)
May 20, 2009 at 12:39 PM
الزائر غير معرف
إن كان على جذي، اليوم بروح إلكتروزان واشتريه مهما طلع علي التوتال :)
مقدماً، اخاف تنسى مدونتي وما تدش مرة ثانية.. ;) هل عندك مواقع مضمونة حق برامج الآي فون؟
May 20, 2009 at 12:42 PM
ماكنتوش..
حجمه كبير علي :)
قررت اشتري الآي فون الليلة
:D
عاد ما تتصورون اشكبر فرحتي لما اشتري موبايل جديد! جنه واحد من عيالي
ههههه
اقعد اجابله وأضبط السيتنج مالته وادخل الأسامي فردا فرداً
:D
May 20, 2009 at 2:07 PM
بالنسبة للبرامج الي في الأريكسون دخلي هذا الرابط وشوفي العجب من أجهزة الأريكسون
تقنية على مستوى عالي
إستعمال طويل الأمد
الصوت والصورة خيالية
http://www.sonyericsson.com/cws/home?cc=kw&lc=en
باي باي
May 20, 2009 at 3:00 PM
مقدما
سوف اكون زائر دائم بمدونتك باذن الله
بخصوص موضوع الضمان لمواقع البرامج فبرامج الايفون كلها لازم تمر على
i tunes
ولازم تفتحين حساب عندهم عشان تقدرين تنزلين عن طريقهم
في طرق بدون الفيزا وفي طرق بدون الفيزا
عموما جميع البرامج وخصوصا مع الايفون مضمونة باذن الله
واذا ماعجبك اي برنامج تقدرين تلغينه وتحذفينه من جهازك
وايضا يوجد طريقة اخرى لتنزيل البرامج وهو عن طريق برنامج السيديا واللي تنزلينه كبرنامج وهالبرنامج ينزل مجموعة كبيرة من البرامج
وعشان ترتاحين اكثر بحط لج بعض المواقع اللي تفيدك
اي صح على فكرة ترى على اليوتيوب اكو شغلات وايد مفيدة وما عليكي الا ان تحطين اسم الايفون وتبحثين فيه
http://www.ce4arab.com/vb7/showthread.php?t=146979
http://www.mobile4arab.com/vb/forumdisplay.php?f=97
الممتع في الجهاز ان كل مافيه جديد
وفلازم تدرسين وتاخذين وقتك في التعامل معاه
وهو بالمناسبة سهل جدا جدا
وبالتوفيق باذن الله
وتستهلكينه بالعافية :)
May 20, 2009 at 10:17 PM
ولدي عكس كل مخططاتي اليوم
.. المهم
أشكركم على مساعدتكم لي وماراح انساها، وبشوف سوني الأخير، واتعرف على الاي فون اكثر من اليوتيوب مثل ما نصحني اخوي الزائر
الوعد باجر..
:)
May 21, 2009 at 2:05 AM
خوش دعاية له :)
http://www.youtube.com/watch?v=eClbbng5Yfc
May 21, 2009 at 8:47 AM
انا عندي اي فون
وانا قبل حتى السوني اركسون ماعرفله
بسسسسسس الاي فون شي ثاني ما احس فيه عيب الا شغله وحده ان مافي فوروورد ولكن تحطين له برنامج و تسوين فورورد عادي
May 21, 2009 at 10:55 AM
استاذ حمام
إتينن الدعاية .. والله تضحك
:D
May 21, 2009 at 10:58 AM
العزيزة لوير
اي عدل الاخوان قاعدين يقولون نفس الحجي ان مشاكله تنحل بسهولة عن طريق البرامج
الليلة بيكون عندي آي فون ان شاءالله
:)
May 21, 2009 at 2:46 PM
انا بعد بخاطري تلفون يديد
ومحتاره بين الاي فون وبلاك بيري
May 22, 2009 at 2:08 AM
صراحه ما عندي خبر بالتكنلوجيا وموبايلي وين ووين اغيره... بس اشاركج نفس الاستفسار بالنسبه للبلاك بيري لا واذا قلت بلاك بيري يقولون اسمه بي بي ههههه
اتمنى لج بحث موفق
وصباح الخير:>
May 23, 2009 at 7:16 PM
اخذيه بدون تردد .. بس عيبه مافي بلوتوث .. انا بالنسبه لي مهم بس اذا عندج مومهم .. اخذيه
May 24, 2009 at 8:45 AM
DoDoq8 ..
اشتريته، ونصيحتي لج
اشتري آي فون
:)
May 24, 2009 at 8:47 AM
bent el deera
اشتريت الآي فون :)
احلى ميزة فيه انه سريع لما ادخل الارقام والاسامي ما يعلق لما إيي يحفظ البيانات، ممكن ينحط فيه برامج الدنيا والدين، وسعة الذاكرة 16 جيجابايت
مثل ما قالوا الاخوة اعلاه ان كاميرته أي شي أم 2 ميجا بيكسل بس كـ حلول تكنولوجية قمة بصراحة
May 24, 2009 at 8:49 AM
fatto يا هلا
البلوتوث مو دايما احتاجه إن كان له برنامج يتركب زين على زين ، وإذا مافيه كلش الأشياء اللي فيه تسوى البلوتوث وأهله :)
May 24, 2009 at 10:21 AM
مبروك
مبروك مبروك
مبروك مبروك مبروك
مبروك مبروك مبروك مبروك
واذا عندك اي استفسار نزلي موضوع جديد وانا حاضر
Anonymous
May 24, 2009 at 12:55 PM
الله يبارك فيك
:)
بصراحة عندي مشكلة مدوختني
التعريب.. رح اشتريه
بس في برنامج السيديا لازم انزله بالأول
نزلته، مو راضي يشتغل معاي
:\
اصدار الموبايل
2.2.1
(5H11(
عيزت..