Kwt City

مدينة الكويت

This map and the data behind it were compiled by Dr. Henry Niman, a biomedical researcher in Pittsburgh, Pennsylvania, using technology provided by Rhiza Labs and Google. The map is compiled using data from official sources, news reports and user-contributions and updated multiple times per day.

Rhiza's web-based mapping product, Insight, is helping Dr. Niman get official and unofficial data into the tracking system faster while giving researchers and the public many options for viewing the data in a useful and understandable way. If you would like more information about how your company, organization, or agency can provide dynamic data visualization and analysis tools like this, please contact Josh Knauer at 412-488-0600

الحجي منقول من الموقع الرسمي
http://flutracker.rhizalabs.com/




صباحكم أنا
:)
والله لكم وحشة اشكبرها، صحيح غطيت عنكم في ذيك الأيام بسبب ظروف عائلية ترفيهية
ما أخفي عليكم ارتكبت جريمة! .. اشسويت؟.. دخّلت ولدي الصغير البحر.. وهو ما كمل من العمر سنتين، طبعا تبون التفاصيل؟ أولها الولد زوّع في البحر! لأن أبوه خذاه ودخلاه داخل البحر كلش
وآخرها ارتفعت درجة حرارة جسمه 39 مارضت تنزل إلا لما خليت الشاليه ونزلت الديرة لأقرب مستشفى خاص.. كسر خاطري وبنفس الوقت استانست من وناسته في الماي
لأنه يعشق شي اسمه ماي وتسبّح.. عادي اشوفه ماخذ دور عند باب الحمام ونتوا بكرامة


ولدي الصغير، كل ما يه يساحلني يناديني بإسم الدلع
مع ان ماحد في البيت ولا في العائلة يقوله لي
بس مرة قلت حقه اسمي.. ويوم قاله انا فرحت من قلبي
وكافأته بـ يوم حافل من ألعاب اليهال إلى ماكدونالدز وتفافيخهم
فجر هذا اليوم، قعد إمصحصح مايبي ينام
وأنا قعدت اساحل فيه.. يا ولد الحلال الساعة 3 ونص ووراي دوام
ماكو!! سدحته يمي بيني وبين ابوه قلت يمكن تاخذه النومة
إلا الحبيب ماد إريوله إلى جدام عند ويهيي! ياااااه اشتبي
وإلا يقول لي ... طقي ماما
طالعته إبنص عين.. قلت له هي خاربة خاربة
فـ سويت عليه هجوم تدغدغ لين إدمعت عينه
بكل تأكيد خربنا نومة أبوه

آخر شي، قمت سويت له حليبته
قعدت على السرير وناديته عشان ياخذ مميته
يه وصفط إبحضني وقبل ما ينسدح لمني وقال
حبيبي ماما //
نسيت السهر وإحلوّت القعدة معاه أكثر
بالأخير، لميته وقعدت اغني له اغنيته
صك عيونه.. ونام
وإلا الساعة 6 الصبح وموباقي شي على الدوام
طلعت من البيت.. وانا كلي نشاط وحب
وقال حبيبي ماما
:~)


الدوام ، ذاك اليوم صارت سالفة عودة تموّت من الضحك
بس ماأقدر أقولها الحين، خل تبرد السالفة



مشتاقة أسافر وأغيّـر جــو



رفيجتي أعزها حيل وأغليها
قاعدة تدوّر على شقة إيجار
لأن صاحبة البيت اللي إمأجرين عندها بتزوج ولدها
والمسكينة رفيجتي ما إكملت 3 سنين في الشقة
تخيلوا حجم المأساة لما تنقل اغراضك ويمكن تستغني عن بعضها عشان المكان اليديد يكفي وإلا ما يكفي
إعيزت وهي تدور شقة مناسبة، كل ما تشوف وحدة زينة يكون المطبخ صغير كلش ما يكفي ثلاجتهم وغسالتهم ونشافتهم والغاز والبرادة! تقول انها شافت شقة في مشرف وايد زينة بس المطبخ ما يشيل اغراضها لأن صاير صغير ومستطيل.. لو هي تبي تدخل المطبخ تقول للخدامة تطلع بره عشان يكفي

:)

المهم، قلت لها مايصير خاطرج إلا طيب احط لج إعلان في الانترنت
ونشوف إذا في احد من المدونين يعرف بيت عندهم شقة مناسبة
عايلتها صغيرة جدا، هي وزوجها وياهل عمره صغير والخدامة
يبون 2 غرفتين وسيتحسن 3 غرف.. وضروري يكون فيها غرفة خدامة


وسلامتكم :)

صباح الخير على كل العزيزات والعزيزين زوار مدونتي
سامحوني على القطاعة .. كان عندي جدول حافل
ما بين إلتزامات اجتماعية وترفيهية ونجرية
:)
عندي لابتوب توشيبا ستلايت 70 صار له عمر عندي
تقريبا 4 سنين او اكثر شوي
قطيت الأكو والماكو عليه
زايدته قطع من بره وبصراحة انا هادة حيله
ما بقى فيديوات ولدي مابقى صور ما بقى اغاني مابقى ديزاينات ثقيلة
لين وصل الى مرحلة يقول بس.. قام يتنح علي
!!
مشكلته الكبيرة انه عود وثقيل علي
شاشته 16 انش يمكن وإن ما خاب ظني
المهم ثقيل ثقيل ثقيل
فكرت اشتري لابتوب.. حطيت في بالي سوني الصغير
بس بصراحه وايد عليه اقط فوق الألف دينار
وعلى ويندوز ما يسوى
الحين الناس صارت "ماكية" الهوى
وفعلا الماك يستاهل احترامي وتقديري
كونه نظام اسرع وانظف ومتطور
دشيت لقيت جم نوع للماك وبعد فيه اصناف
احترت
ابي شوركم.. انا وحدة احب تصميم الجرافيكس
وتصميم مواقع انترنت ويهمني ان الماك يكون فيه
local server او شي يشبه له
اش تقولون؟